تقرير مفصل عن درجات الحرارة خلال الأسبوع المقبل

موجة حارة شديدة طويلة المدى تضرب أغلب مناطق الجمهورية لمدة اسبوع.. «التقرير الكتابي الشامل»

0

التفاصيل:
– بدأت بالفعل الحرارة اليوم الأربعاء في الارتفاع التدريجي زي ما هو معروف مُسبقًا في التقارير السابقة ببداية الارتفاع التدريجي مع نهايات الاسبوع الحالي.. ومع يومي بكرة الخميس وبعده الجمعة هتشتد الحرارة على أغلب مناطق الجمهورية بشكل ملحوظ وتكون من هنا نقطة بداية انطلاق الموجة الحارة الشديدة واللي مش هتنخفض قبل مرور اسبوع على أقل تقدير
—————————–
## المناطق الشمالية الداخلية:
– وهتسجل فيها درجات الحرارة على المناطق الشمالية الداخلية زي القاهرة الكبرى والدلتا ومدن القناة إلى ما بين 37~39 وقد تصل لحدود الـ40 درجة على بعض الأماكن خاصة مع نهاية أيام الموجة.. ما عدا مناطق شمال الصعيد عند حدود الـ40~42 درجة طول أيام الموجة
—————————–
## مناطق جنوب الصعيد وسواحل البحر الأحمر:
– أما مناطق جنوب الصعيد فهتثبت عند 42~44 درجة.. وسواحل المدن والمحافظات المطلة على البحر الأحمر هتثبت عند حدود 34~37 درجة
—————————–
## سواحل البحر المتوسط:
– وطبعا كالعادة سواحل البحر المتوسط من السلوم ومطروح والعلمين مرورًا على سواحل الأسكندرية وسواحل كفر الشيخ وحتى سواحل دمياط وبورسعيد وسواحل شمال سيناء هي اللي بتكون الأقل في التأثير وهتسجل فيها الحرارة خلال الموجة عند حدود 29~31 درجة
—————————–
## أجواء الليل:
– لا شك أجواء الليل في بداية الموجة خصوصًا على المناطق الشمالية عمومًا فيها نسمة برودة خفيفة وبشكل أخص مع أواخر الليل.. لكن النصف الثاني من أيام الموجة يعني مع بداية أيام الأسبوع المُقبل هترتفع درجات الليل بشكل بسيط لتعتدل عندها الأجواء بشكل أكبر مسجلة في درجاتها بحدود ما بين العشرين واوائل العشرين درجة.. وبالشكل ده الأجواء هتسمح بالخروج بالملابس الصيفية بدون أي قلق من برودة الليل
—————————–
## نشاط الرياح:
– هتنشط الرياح بشكل يومي وبطريقة عشوائية خصوصًا في أوقات المساء من كل يوم على المناطق الشمالية الداخلية زي القاهرة الكبرى والدلتا ومدن القناة واول شمال الصعيد.. ومع السبت والاحد بيمتد النشاط ده عند مناطق الوادي الجديد ووسط الصعيد وبعض سواحل البحر الأحمر.. وده بيكون نشاط متوسط اعتيادي وبيصحبه احيانا هبّات قوية.. ممكن بالطبع الرياح تثير أي غبار أو أتربة لكن ده بيكون على حسب طبيعة وجودة كل مكان
—————————–
## هل ستعود أجواء القاهرة الباردة مرة تانية؟؟
– بالتأكيد بعد كل موجة حارة شديدة تنخفض الأجواء ولكن زي ما وصفتلكم قبل كدة ان في المراحل الانتقالية ديه ما بين الشتا والصيف كلما انتهت موجة بترتفع متوسطات الحرارة «وهي درجات الحرارة الطبيعية في أوقات الاستقرار بدون موجات».. لذلك هتنخفض بكل تأكيد الحرارة بعد مرور الموجة لكن هتعود على الأجواء الحارة المعتدلة في حدود الـ30 درجة.. وبلا شك عودة برودة الليل حتمية لكن هتكون البرودة الخفيفة أو المتوسطة وكمان هتكون في اواخر الليل.. وبالتالي نقدر نصيف بشرط نسيب جاكت خفيف او قطعة خروج تقيلة احتياط خصوصًا «الناس اللي بتخرج في أوقات قرب الفجر او في اواخر الليل» لحين مرور الفترة الانتقالية ديه بسلام

نقلاً عن صفحة الطقسجي للرصد الجوي

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept

%d مدونون معجبون بهذه: